Кога тато ќе ти направи фризура: Маж ја потстрижал 3-годишната ќерка, сопругата заплакала кога ја видела (фото)

Кога Џордан ја потстрижал неговата 3-годишна ќерка бидејќи сметал дека косата ѝ пречи, неговата сопруга Марла сакала да заплаче штом го видела крајниот резултат – многу кратки и криви шишки.

30-годишниот Џордан од Англија решил да ја потстрижи неговата 3-годишна ќерка, но неговата сопруга, 25-годишната Марла, сакала да заплаче кога ја видела новата фризура на ќерка си. Како што вели самата, нејзината ќерка имала фризура како Спок од Star Trek, па сега му забранила на сопругот да прави што било со косата на нивната ќерка.

„Можам да кажам дека татко ѝ има забрана да ја допре нејзината коса. Изгледаше ужасно. Бев разочарана и гневна. Ми требаа неколку недели да се соземам“, вели мајката која сега се смее за целата ситуација.

Наводно, Џордан ѝ спомнал на Марла дека на ќерка им ѝ треба потстрижување и се понудил самиот да го направи тоа. Иако Марла го советувала да не ја допира косата на ќерка им бидејќи веројатно знаела што ќе се случи, Џордан се чувствувал доста самоуверено, па сепак ја потстрижал.

Прво случајно скратил повеќе коса отколку што планирал, па обидувајќи се да ја израмни, ѝ направил криви шишки кои навистина изгледаат смешно.

„Бев кај мајка ми кога решил да ја потстрижува. Не ми кажа сè додека не дојде да ме земе од кај мама. Влегов во автомобилот, ќерка ни беше во нејзиното седиште. Кога ја видов се запрепастив. Тивко плачев во автомобилот…“

Марла вели дека Џордан го погодил и совршениот момент за да ѝ прави фризура на ќерка им – само неколку денови подоцна, девојчето требало да се фотографира во градинка. Уште полошо е што ова била првата ваква фотографија за неа.

Но, најважно е дека на малото девојче му се допаднала фризурата.

„Всушност, таа беше многу среќна и ми рече ’Тато ми ја направи фризурата – ти се допаѓа ли?‘ Постојано им ја покажуваше фризурата на сите и им кажуваше дека ѝ ја направил татко ѝ“.

Дали некогаш вам ви направиле ваква фризура во детството?

Спирова С. | Црнобело