Како да ја расчешлате детската коса без вриштење и плачење?

Секој родител со детенце кое има малку подолга коса, знае колкава мака е да се среди фризурата, без плачење и врескање.

Решенијата се повеќе од едноставни, а никогаш не ви паднале на памет:

1. Внимавајте при шампонирањето – Користете шампон кој помалку пени и помалку тријте ги влакната, како не би ја заплеткале косата премногу.

2. Користете регенератор – Иако се работи за детска коса, не е лошо да користите чист регенератор или некој маска за чувствителна кожа.

3. Чешлајте ја косата од врвовите, па нагоре – На овој начин нема да ги искинете кревките детски влакна, а и ќе избегнете викање.

4. Исплетете плетенка – Чувањето на детската коса во облик на плетенка е најпаметно. Така ќе избегнете заплеткување, а со тоа влакното полесно се расчешлува кога ќе дојде време.

5. Чешлајте ја косата често – Дури и ако косата ја миете двапати во неделата, четкајте ја повеќепати дневно.

6. Користете спреј за расчешлување – Напрскајте го на четката или чешелот и внимателно расчешлајте (секако одберете производ соодветен за деца).

7. Дополнителна нега – Иако си мислите дека детското влакно нема потреба од маски, капки и спрејови, сепак не е лошо да практикувате дополнителен третман 2-3 пати во месецот ако детето има многу густа и коса склона кон плеткање.

М. Д. | Црнобело / фото: depositphotos.com