Жена на 49 години добила две бебиња - затруднела откако ангажирала сурогат мајка

Жена од Хјустон на 50 години е мајка на две новороденчиња, откако ѝ се случила неверојатна ситуација по 7 години болка, солзи, еден спонтан абортус и 3 неуспешни асистирани оплодувања.

Моника Хаџинс од Хјустон последните 7 години ги минала во обиди да забремени. Искусила многу разочарувања, имала спонтан абортус и 3 неуспешни асистирани оплодувања.

Потоа со сопругот Кенет одлучиле да се откажат и да ангажираат сурогат мајка.

Нивната сурогат мајка Анџела Борман забременила со асистирано оплодување со близначиња, машко и девојче, но за жал го загубила девојчето.

Моника, по овој тажен настан, одлучила за последен пат да направи уште едно асистирано оплодување и била шокирана кога дознала дека било успешно.

Како резултат на тоа, сурогат мајката Анџела родила момче во мај 2021-ва, кое го добило името Кени, а 4 месеци подоцна Моника ја родила ќерката Хејли, па наеднаш таа имала две новороденчиња.

Моника и Кенет стапиле во брак во 2015 година и веднаш знаеле дека сакаат да основаат семејство. Моника веднаш забременила природно, но доживеала спонтан абортус и тогаш замрзнале ембриони со Кенет.

Таа има и постар син од претходниот брак.

С. С. | Црнобело