Една работа која најмногу ги нервира жените во бракот (а голем дел од мажите ја прават)

„Жените се жалат дека нивните сопружници секогаш чекаат да им се каже што треба да направат во домот“ – тврди една советничка за бракови од САД. Што најмногу ги излудува жените во бракот?

Корин Волер е советничка за бракови од Минестота, САД, а редовно објавува видеа во кои дава совети за тоа кои се најголемите проблеми со коишто се соочуваат сопружниците во брачната заедница.

Според неа, првото прашање што треба да си го поставите е дали земате пасивна или активна одговорност за работите што треба да се направат во домот.

Нејзиното видео го погледнале над 1.5 милиони луѓе, а во него таа вели дека најчесто жените што доаѓаат кај неа се жалат дека нивните сопружници секогаш чекаат да им се каже што треба да направат дома.

„Спротивно на ова, жените бараат партнер што активно е вклучен во домот и во одгледувањето на децата и да не чекаат сопругата да им каже што треба да направат“ – вели таа.

Таа појаснува дека постои разлика помеѓу активната и пасивната одговорност кога станува збор за водењето грижа за домот и за одгледувањето на децата.

„Активната одговорност подразбира да разгледате во домот и да видите што би можеле да завршите и да преземете одговорност за тоа што треба да се направи.

Пасивната одговорност би значела дека можете да помогнете, но чекате некој да ви каже што треба да правите“ – вели таа.

@corrinthecounselor Passive Responsibility vs Active Responsibility #relationships #therapy #ThatCloseMessenger #marriage #IDeserveTuitionContest ♬ original sound - Corrin Voeller

Нејзиното видео привлече голем број коментари во кое жените се согласни дека ова навистина е проблем со кој и тие самите се соочуваат. Дел од мажите што го погледнале видеото, пак, велат дека ако само тие работат, од нив не треба да се очекува да помагаат по дома.

Дел од реакциите на мажите и женитe:

„Му реков на сопругот дека ако ги извршува задачите на работа така како што ги прави по дома, веќе ќе беше отпуштен“.

„Јас сум благословена затоа што сопругот, без разлика на тоа колку часа и да работел тој ден, кога ќе си дојде ќе ме праша ‘Да не треба нешто да ти помогнам?’.“

„Да се случува, и не може да сфати дека мене ќе ми значи многу повеќе ако не мора да го замолам да ми помогне.“

„Јас сум пасивно одговорна личност, но само јас сум вработен во домот. Сметам дека не е фер да се очекува да ги извршувам и домашните обврски, нели?“

Ова се дел од коментарите од луѓето што го погледнаа видеото.

Што мислите вие? Дали мажите вообичаено се пасивни или активни и дали тоа што само тие одат на работа ги ослободува од домашните обврски?

Б. С. Б. | Црнобело