Водич за трудници: Листа со 30 неопходни работи што треба да ги купите за вашето новороденче

Листа на работи што ќе ви требаат во детската (спалната) соба, за бањање и за доење. Оваа листа може да ви биде одличен потсетник ако набрзо станувате родители, а не знаете што треба да купите за новиот член во семејството.

Доаѓа најубавиот период во вашиот живот. Припрема за вашето новороденче кое секој момент ќе дојде во вашиот живот.  

Вашиот стан е мал, па немате доволно место за се што мислите дека ви треба? Или пак вашиот буџет е ограничен? Не паничете. Не мора сè да биде купено сега и веднаш.

Во прилог некои основни работи кои се потребни да ги имате во вашето катче:

Опрема за во домот

• Креветче за бебе;
• Бебешки душек;
• Најмалку 2 бебешки постелнини – со резерва чаршаф на ластик;
• Вреќичка за спиење  или (ќебенце, јорганче);
• Подлога за пресоблекување;
• Подлоги за еднократна употреба (кои може да се најдат во сите подоброснабдени аптеки);
• Навлажнувач на воздух; 
• Количка за бебе;
• Транспортер (пожелно е да го имате во првите месеци);
• Релаксатор или подлога за играње (ова е нешто кое ќе ви користи кога вашето бебе веќе ќе наврши 2+ месеци);
• Ноќно светло и музика за заспивање ( англ. white noise или класична музика одговара за смирување и полесно заспивање на вашето бебе);
• Бебе монитор;
• Фиоки или шкафче за облека;
• Кенгур или марама ( корисна особено бидејќи ќе може да работите по дома, заедно со вашето бебе).

Опрема за бањање

• Кадичка (корито);
• Термометар;
• Пешкир или бањарка;
• Грејно тело во тоалетот доколку немате парно греење.

Доење

• Градник за доење;
• Пижами за доење (особено ќе ви го олеснат доењето во текот на ноќта);
• Прекривка за доење (пожелна за вашите прошетки кога ќе треба да го надоите вашето дете во јавност);
• Пумпа за одмолзување (пазарот изобилува со различни цени за оваа пумпа, каква и да земете, сигурно нема да згрешите и ќе ви биде од полза);
• Сад за складирање на млеко (или ќесички за еднократна употреба кои може да бидат складирани до 24 часа во фрижидер);
• Стерилизатор;
• Шишиња и резерва цуцли (доколку давате формула за бебе, пожелно е да имате повеќе од едно шише за дохрана);
• Четка за миење на шишиња.

Дополнителни аксесоари

• Топломер;
• Термофор за стомаче;
• Цуцли (За почеток земете една цуцла за да видите како ќе биде прифатена од страна на бебето);
• Глодалки/тропалки ( овие играчки детето почнува да ги користи од 2+ месеци).

 

Не мора да избрзувате со купување на сите работи, одвојте скромна листа на нешта кои може да ви бидат и подарени од најблиските роднини и пријатели.

Секако секој од нив ќе ве праша што ви е потребно.

Прочитајте и Список на облека што навистина ќе ви треба во првите месеци од раѓањето на вашето бебе

 ©CRNOBELO.com Забрането преземање и копирање. Крадењето на авторски текстови е казниво со закон.

М. У. Т. | Црнобело/

фото: pexels.com