„Имав 5 спонтани абортуси и 15 години болка, но вредеше чекањето на моите бебиња“

Жена од САД во 2003 година го имала првиот спонтан абортус, потоа во наредните 15 години забременила уште 4 пати, но и тие бремености завршиле на ист начин. Потоа, се одлучила за асистирано оплодување – денес има 5-годишна ќерка и 3-годишен син. „Тие се моето чудо“, вели таа.

Џени Хил (45) од САД со нејзиниот сопруг Џон (44) се обидувале да добијат дечиња уште од 2003 година.

Минале низ многу тешкотии, а потоа се одлучиле за асистирано оплодување.

Џени го имала првиот спонтан абортус, по природно забременување, во 2003 година, а потоа минала 15 години тагувајќи и обидувајќи се да забремени со својот сакан.

Но, по уште 4 спонтани абортуси, таа и Џон одлучиле да се обидат и со други опции, односно со асистирано оплодување.

Докторите смрзнале два ембриони, но не се одлучиле веднаш да направат трансфер на двата ембриони кај Џени за да не ризикуваат да ги изгубат двата.

Бил направен трансфер на едниот, а Џени го родила нивното прво дете – ќерката Харпер во јануари 2017 година.

„Таа е нашето чудо. Плачев кога ја видов за првпат.“

Потоа, парот во 2019 година направил трансфер и на вториот ембрион и Џени во 2019 година го родила синот Лиам.

Ќерката на Џени и Џон сега има речиси 6 години, а синот 3.

„Нашето семејство сега е комплетно, чувството е неопсиливо. Патувањето беше тешко, но вредеше за да ги добиеме Харпер и Лиам.

Сечие патување е судено да биде на различен начин. Моето беше судено да изгледа вака“, вели Џени.

С. С. | Црнобело