8 популарни митови за убавина во кои не треба да верувате (бидејќи можат и да ви наштетат)

Акните не се предизвикани од нечиста кожа, а маските за лице што ги правите дома не мора да значи дека се подобри од купечките. Во кои други митови за убавина не треба да верувате? 

Кога не сме дерматолози, лесно е да поверуваме во митовите за нега на кожа. Истото важи и кога не сме експерти за коса, нокти или кој било дел од нашето тело.

Дел од овие митови се безопасни, но некогаш можат и да ни наштетат.

Во кои митови за убавина не треба да верувате?

Мит 1: Потстрижувањето го стимулира растот на косата

Потстрижувањето на косата е неопходно бидејќи со текот на времето врвовите се оштетуваат.

Потстрижувањето прави косата да изгледа поздраво и побујно, но кога станува збор за раст, нема никакво влијание.

За да го стимулирате растот, треба да се фокусирате на корените и скалпот, а не врвовите на косата.

Мит 2: Секојдневното шминкање е лошо за кожата

Освен ако немате навистина проблематична кожа, нема потреба да го избегнувате шминкањето.

Она што е важно е да ја отстранувате шминката навечер и да не спиете со неа.

И, секако, користете квалитетни продукти.

Мит 3: Акните се предизвикани од нечиста кожа

Акните можат да бидат предизвикани од многу фактори – од хормонални промени, до генетика.

Ако имате акни, не значи дека вашата кожа е нечиста. Всушност, претераното чистење на кожата може дури и да ги влоши.

Мит 4: Секогаш е подобро да користите природни продукти

Продуктите за нега што ги правите дома не мора да значи дека се подобри од купечките.

Всушност, кога сами правите маски и слично, постои можност да си направите некаква иритација ако имате многу чувствителна кожа.

Од друга страна, купечките производи се дерматолошки тестирани и се генерално побезбедни.

Нормално, ако си имате ефикасен рецепт за маска или некој продукт, слободно користете го. Но, не верувајте дека природните продукти се секогаш подобри.

Продолжува на следната страница...