Жешката вода ја суши, секојдневно миење ја уништува – Трикови за бујна и здрава коса

Немојте да ставате многу шампон

Воопшто нема потреба да ставате цела рака шампон. За коса со должина до кај рамената, сосема доволна е количина колку зрно грозје.

На овој начин не само што ќе заштедите на шампон, туку и подобро ќе го исплакнете.

Исто така, немојте да ја триете целта коса со шампон. Фокусирајте се на скалпот и само нежно поминете ги врвовите. Ако ги триете и врвовите, многу лесно ќе ги искинете.

Немојте често да го менувате шампонот

За да забележите ефект од шампонот што го користите, мора да го употребувате подолго време.

Па, ако не забележите разлика по 2-3 миења, немојте веднаш да го менувате брендот, туку дајте му време.

Исцедете ја косата пред да ставите маска, регенератор или кондиционер

Додека за шампонот косата треба да биде накисната, пред да ставите продукт како маска, исцедете ја водата.

Со ова, продуктот ќе биде многу поефикасен.

Користете кондиционер кој не се мие

Ова е продукт кој се нанесува на влажна коса и не треба да се мие, а е одличен доколку имате многу сува коса.

Исто така, овој кондиционер го олеснува чешлањето, што значи нема да ја оштетите косата со четката.

Нанесувајте ги продуктите по правилен редослед

Кога ја миете косата, секогаш треба да почнете со шампон.

Потоа нанесете маска и оставете ја да делува минута-две. Маската треба да продре во влакното и да го потхрани, а за ова е потребно време.

Ако користите и регенератор или кондиционер, кои делуваат на површината на влакното, ставајте ги на крај.

Спирова С. | Црнобело