Жешката вода ја суши, секојдневно миење ја уништува – Трикови за бујна и здрава коса

Немојте често да го менувате шампонот и масирајте го скалпот кога ја миете косата. Како правилно да ја миете косата за да ви биде бујна и здрава?

Не мора да користите многу скапи шампони, маски и слични продукти за да имате бујна и здрава коса.

Доволно е да обрнете внимание на миењето.

Како треба да ја миете косата за да биде здрава?

Масирајте го скалпот кога ја миете косата

Секогаш кога ја миете косата, нежно масирајте го скалпот барем минута-две.

Масажата ќе ја поттикне циркулацијата, а ова ќе ја подобри состојбата на косата. Истовремено, масажата и ќе ве релаксира.

Кога го масирате скалпот, важно е да не притискате силно бидејќи можете да ја оштетите косата.

Немојте да ја миете косата секојдневно

Ако ја миете косата многу често, постои ризик да го намалите нејзиниот квалитет и да го исушите скалпот. Маслата што се лачат на косата се корисни и не треба да ги отстранувате секојдневно.

За да одредите колку често треба да ја миете косата, обрнете внимание на вашиот тип.

Обично витканата коса е посува, па најдобро е да ја миете еднаш, најмногу двапати неделно.

Ако имате права коса, која обично се мрси повеќе, можете да ја миете на околу три дена.

Фарбаната коса, пак, треба да се мие поретко, особено ако веќе имате сува коса.

Добро навлажнете ја косата пред да нанесете шампон

Не е доволно само еднаш да поминете со тушот пред да ставите шампон.

Косата треба да биде целосно мокра за шампонот да биде поефикасен.

Обрнете внимание на температурата на водата

Без разлика каква коса имате, избегнувајте да ја миете со жешка вода – високите температури ги сушат и косата и скалпот.

Ако имате фарбана коса, особено со подречлива боја, мијте ја косата со постудена вода. На овој начин бојата ќе ви трае подолго.

Доколку не сте фарбани, препорачливо е да ја миете косата со млака или топла, но никако жешка вода.

Продолжува на следната страница...