9 совети за хигиена и убавина кои се застарени (дури и штетни)

Косата мора да ја измете двапати со шампон, кремовите со заштитен фактор се само за во лето... Кои совети за убавина и хигиена од минатото денес се застарени?

Нашите мајки и баби низ годините ни пренесоа многу совети за убавина кои ги користиме и денес и на кои (слепо) им веруваме.

И, иако дел од нив се полезни, има и такви кои се толку застарени што се штетни - на пример дека косата треба да се мие само еднаш во неделата.

Кои се советите за убавина и хигиена кои се веќе застарени, па дури и штетни за луѓето?

Исцртајте ги усните со моливче една нијанса потемно од бојата на карминот

Иако со години било модерно бојата на моливчето да е за нијанса потемна од бојата на карминот, денес ова е застарено.

Ставете моливче преку целата уста па врз него додадете сјај или кармин.

Или ако сакате да ви бидат исцртани само линиите на устата, тогаш боите на моливчето и карминот нека бидат во иста нијанса за да не се двојат.

Мијте ја косата еднаш во неделата

Сигурно сте слушнале (и сте го применувале) правилото на нашите баби - мијте ја косата еднаш во неделата или на 10 дена и таа ќе ви расте брзо и ќе биде погуста.

Денес, работите се сосема поинакви, па при миењето треба да се земе предвид типот на коса.

Ако имате густа коса, сува и со дебело влакно, која не се мрси лесно, тогаш да, можете да ја миете и на 5-6 дена.

Но, ако вашата коса е тенка, тогаш е препорачливо да ја миете на два дена за да не делува безживотна и мрсна.

Жените со црвена коса не треба да носат црвен кармин

Старото правило гласи „Црвенокосите не треба да ставаат црвен кармин“.

Но, актерката Џесика Честејн покажа дека тоа не е вистина, само ако ја изберете вистинската нијанса, која ќе одговара на вашиот тен и косата.

Кремовите со заштитен фактор се само за во лето

Експертите препорачуваат кремот со заштитен фактор да го користите секој ден, без оглед дали е лето или зима.

Изберете крем со најмалку SPF30 за лето, но тој може да е помал во зима.

И не заборавајте - освен на лицето, нанесете го на рацете, деколтето и сите делови од телото кои ви се изложени на сонце.

Продолжува на следната страница...