3 трикови со кои парфемот ќе ви трае цел ден

Дали сте се запрашале дека понекогаш можеби правите грешка при нанесувањето на парфемот, па затоа не ви трае долго? Овие лесни трикови не бараат посебно внимание, а може да ви помогнат да уживате во пријатниот мирис во текот на целиот ден.

Сигурно ви се има случено да го пронајдете омилениот парфем кој со задоволство ќе го користите, но сепак, по 20 минути да не можете да го почувствувате на вас.

Секако, зависи и од видот на парфемот, но експертите откриваат и три трикови кои се од витално значење, а може да ги откриете во продолжение.

Прво и најважно, од витално значење е да нанесете парфем на чиста кожа. Експертите препорачуваат да се стави на кожата лосион за тело без мирис, бидејќи хидрираната кожа подобро ќе го задржи мирисот и ќе обезбеди тој да трае подолго.

Уште еден трик кој ќе ви помогне парфемот на вас да го чувствувате преку целиот ден, е да го нанесете на облеката. Нанесете парфем на облеката која ја носите, но внимавајте да биде на безбедно растојание за да не ја извалкате. Парфемот на ткаенината ќе трае подолго отколку на кожата.

На крај, експертите препорачуваат да ставите парфем на четката за коса и да поминете низ прамените. Исто така, важно е да не ставате парфем директно на косата затоа што содржи алкохол кој на долг рок може да ја оштети, предизвикувајќи кршење и расцветување на краевите.

Секако, мора да внимавате и како го чувате парфемот. Ако го чувате во бањата, кога се туширате, целата пареа и температурните разлики ќе го расипат парфемот многу побрзо отколку ако го складирате правилно.

М. Ѓ | Црнобело / фото: freepik.com