5 трикови за шминка и убавина кои ќе ви заштедат време (и пари)

Понекогаш шминкањето одзема многу време, а и сите производите не се евтини. Но, што ако можете самите да направите некои продукти (или да научите некој трик) со кои ќе заштедите и време, и пари?

Понекогаш трошиме многу пари (и време) за шминка и убавина. Но, постојат интересни трикови кои можете да ги применувате секојдневно и да си олесните, а притоа и да заштедите...

Па ако не сте слушнале за нив или досега не сте ги пробале, можеби треба да им дадете шанса.

Ќе се изненадите колку се ефикасни:

Совршена линија на горните усни

Наместо да нанесувате моливче на усните, направете совршена линија со кармин и конец за заби со рачка.

На конецот за заби ставете од карминот, па нанесете линија преку работ на горните усни (како на фотографијата).

Повторете ја постапката на двете страни од усната, па исполнете ја внатрешноста од усните со карминот.

Линиите од кармин што ги направивте на надусницата избришете ги со вата, а потоа ставете пудра и целосно покријте ги остатоците од карминот.

Лесен француски маникир

За овој трик ви требаат лак за нокти и виткач за трепки.

Ставете го виткачот за трепки на врвот на ноктот, па поминете со лакот на празната површина (како на фотографијата).

Оставете да се засуши барем една минута (за да не се размачка) , па тргнете го виткачот и продолжете со следниот нокт. Кога ќе ги завршите сите нокти, премачкајте ги со слој проѕирен лак.

Какао и пудра за мрсна коса

Сигурно многупати досега, кога косата ви била мрсна, на неа сте ставиле бебешка пудра.

Но, за да не ви остануваат бели траги од пудрата, измешајте ја со малку какао во прав, па дури потоа нанесете ја на коренот.

Смесата можете да ја ставите во соларник и така полесно да ја нанесете на коренот.

Домашен пилинг за тело

Со гел за туширање и шеќер самите лесно ќе направите домашен пилинг за тело.

Спојте ги двете состојки (количината е по ваша желба) и нанесете ја смесата на телото.

Убаво истријте го телото со пилингот, а потоа исплакнете го со вода.

Совршена линија над очите

Дали ви се случило 9 од 10 пати да ја згрешите линијата кога нанесувате туш или моливче на очите?

Пробајте го овој трик со чепкалка за уши, селотејп и туш или сенка за очи.

На чепкалката за уши ставете две парчиња селотејп така што ќе формираат мал триаголник (како на фотографијата).

Ставете ја чепкалката веднаш со работ на окото, па триаголникот пополнете го со туш, моливче или сенка за очи.

Потоа внимателно тргнете го селотејпот за да не ја размачкате линијата.

А. Ј. | Црнобело