Шминкерски трик за суптилен изглед на руменилото е хит на социјалните мрежи – Знаете ли што е „Dewy Sandwich“?

Овој трик ќе ви помогне да блескате однатре, според светски познатата шминкерка Нам Во. Сѐ што треба да направите е течното руменило, да го ставите во слоеви со друг продукт, односно како сендвич.

„Сочен сендвич“ или на англиски Dewy Sandwich е најновиот шминкерски трик што ги освои социјалните мрежи.

Станува збор за техника која ќе ви помогне изгледот на руменилото на лицето да биде посуптилен и да не изгледате како само да сте нанеле дебел слој румена боја на јаболчниците.

Трикот за првпат беше споделен од страна на шминкерката Нам Во, a претставува комбинација на течна пудра и течно руменило за лице.

Таа на Инстаграм сподели видео од трикот што, според неа, ќе ви помогне „да блескате однатре“.

Како што покажува во видеото, таа прво со апликатор нанесува течна пудра на лицето, а потоа врз пудрата става малку течно руменило.

За крај, повторно нанесува малку течна пудра врз руменилото, со цел да му даде посуптилен изглед и да направи румената боја на образите да изгледа поприродно и посуптилно.

Според неа овој трик одговара за сите типови на кожа.

Погледнете го видеото и видете во што е трикот:

Б. С. Б. | Црнобело