Трикови со кои секогаш ќе мирисате убаво (дури и без парфем)

По капењето убаво исушете го телото, а дури потоа облечете се

Откако ќе се искапете, важно е убаво да го исушите телото, особено во деловите каде што најмногу се потите.

Ако телото ви остане влажно по туширањето, се создава природна средина за ширење на бактериите, а потоа е доволно и малку да се испотите за да почне да се шири непријатен мирис околу вас.

Вежбањето е полезно

Иако се потиме додека вежбаме, физичката активност не придонесува за непријатен мирис на телото.

Некои испитувања покажале дека редовното потење (при вежбање) помага да се задржи (или да се врати) природниот мирис на кожата.

Стресот може да влијае на мирисот на телото

Непријатниот мирис на телото може да е резултат на стрес, нервоза, па дури и на недоволно спиење.

Многу често овој мирис го чувствуваме само ние, но тој е интензивен и непријатен, што прави да се чувствуваме неубаво.

Затоа, носете со себе влажни шамивчиња со пријатен мирис (не антибактериски), па кога ќе го почувствувате овој мирис, со шамивчињата избришете го телото или пазувите.

Другите можеби нема да забележат, но вие ќе се чувствувате попријатно.

Заменете ги антиперспирантите со алтернативни производи

Сите дезодоранси и антиперспиранти немаат исто влијание на луѓето. Некои ви одговараат повеќе, други иако сте ги ставиле, како да немате ставено ништо.

Затоа, ако немате антиперспирант кој ви одговара, пробајте некој алтернативен производ кој ќе го направите самите - на пример, во шише со распрскувач ставете вода, ½ лажичка сода бикарбона, 1 лажичка јаболкиов оцет и неколку капки лимон.

Убаво измешајте ги состојките и течноста користете ја како природен дезодоранс. Доколку по едно-две користења не ви одговара на кожата, престанете да го користите.

А. Ј. | Црнобело