Трикови со кои секогаш ќе мирисате убаво (дури и без парфем)

Антибактериските сапуни може да го нарушат природниот баланс и да ги уништат корисните микроорганизми на кожата, а нив да ги заменат бактерии кои се штетни и создаваат непријатен мирис. Што да правите, а што да избегнувате за секогаш да мирисате пријатно?

Човечкиот нос има околу 400 различни типови рецептори со чија помош може да разликува различни мириси.

Преку мирисот можеме да откриеме многу работи и за луѓето - на пример, мирисот на кожата може да нè привлече кон некој потенцијален партнер (или да не одбие од него), да ни помогне да ја погодиме приближната возраст на некои луѓе или да дознаеме дали некој е можеби болен.

Телото преку мирисот навистина кажува многу. Па што да направите за секогаш да мирисате убаво? А што да избегнувате?

Ова се неколку трикови со чија помош вашето тело секогаш ќе мириса убаво (дури и без да ставите парфем):

Не консумирајте премногу црвено месо 

Според научниците, храната која најмногу ја јадеме влијае на природниот мирис на телото (односно на потта).

Па така, црвеното месо содржи многу киселини кои самото тело не е во состојба да ги разгради брзо, па затоа се задржуваат во мирисот на потта.

Меѓу храната која исто така влијае на непријатниот мирис на потта е и брокулата, па затоа е препорачливо да се јаде поради своите позитивни својства, но тоа да не биде во многу големи количини или пречесто.

Експертите препорачуваат да јадете повеќе свежо овошје (јаболка, на пример) или пак да внесувате есенцијално масло од пеперминт, а со тоа да го подобрите природниот мирис на кожата.

Мирис на облеката

Понекогаш непријатниот мирис не доаѓа од телото, туку од облеката.

Затоа е препорачливо парчињата што се залепени директно на вашето тело да ги перете по само едно носење.

Испотената облека превртете ја наопаку пред да ја ставите во машината за перење за подобар ефект.

Избегнувајте антибактериски сапуни

Без оглед колку често и да се туширате, постојат бактерии кои остануваат на кожата.

Ова и не е лошо, бидејќи некои од нив создаваат природни ароми кои го разликуваат мирисот на една од друга човечка кожа (а природниот мирис на кожата им е привлечен на многу луѓе).

Токму затоа треба да ги избегнувате антибактериските сапуни, бидејќи може да го нарушат природниот баланс и да ги уништат корисните микроорганизми, а нив да ги заменат бактерии кои се штетни и кои создаваат непријатен мирис.

Продолжува на следната страница...