Алтернативи за сув шампон кои ќе ве „спасат“ во последен момент

Пченкарниот скроб неретко се среќава во нашите кујни, а е уште една евтина и добра алтернатива за сув шампон. За да го нанесете, ставете малку на местата каде што косата ви изгледа безживотно и четкајте за убаво да се разнесе и да не остави видливи траги.

Масната коса е проблем со кој се мачат многумина. Во моментите кога немате време за миење на косата, сигурно посегнувате по сувиот шампон кој секогаш е тука да ве „спаси“ во последен момент.

Но, кога на косата ѝ треба освежување, а при рака немате сув шампон, тогаш може да размислите за негови алтернативи кои ќе ви помогнат во последен миг.

Погледнете неколку корисни алтернативи на сув шампон кои се едноставни и брзи:

Бебешка пудра

Бебешката пудра делува слично како и сувиот шампон. Таа има моќ да ја апсорбира маснотијата од косата, но, бидете внимателни со нејзиното користење зашто може да остави бели траги, што особено е забележително на потемна нијанса на коса.

Сода бикарбона

Содата бикарбона може да биде ефикасна за брзо освежување на косата.

Но, поради нејзината висока pH-вредност, важно е да ја користите умерено за да се избегне потенцијална иритација или оштетување на скалпот и косата.

Исто како и со бебешката пудра, и со содата внимавајте зашто може да остави бели трагови.

Пченкарен скроб

Пченкарниот скроб неретко се среќава во нашите кујни, а е уште една евтина и добра алтернатива за сув шампон.

За да го нанесете, ставете малку на местата каде што косата ви изгледа безживотно и четкајте за убаво да се разнесе и да не остави видливи траги.

Какао

Какаото во прав може да биде исто така алтернатива за сув шампон, а особено е добра опција за оние со кафеави нијанси на коса.

Користете што е можно помалку прашок и поминете добро со четката за коса за рамномерно да го разнесете.

М. Ѓ | Црнобело / фото: freepik.com