За бакнежи со вкус на чоколадо - Направете сами домашен сјај за усни

Ако сте љубител на чоколадото (а кој не е?), зошто не се обидете да направите самите дома сјај за усни кој ќе има вкус на вашето омилено чоколадо и ќе ги направи вашите усни сочни и сјајни?

Скоро секоја жена во својата торбичка со шминка има сјај за усни.

На пазарот може да се најдат стотици различни производи и затоа изборот на соодветен сјај може да ви е многу лесен, или пак претежок, ако не можете да се одлучите што сакате.

Но, ако сте љубител на чоколадото (а кој не е?), зошто не се обидете да направите самите дома сјај за усни кој ќе има вкус на вашето омилено чоколадо и кој ќе ги направи вашите усни сочни и блескави?

Потребни се само 20 минути за сами да го направите вашиот нов омилен сјај за усни.

Потребни состојки за подготовка на сјајот:

• 1 лажица вазелин
• 20-30g темно чоколадо 
• ½ лажичка цимет
• ½ лажичка рицинусово масло (можете да го замените со бадемово, кокосово или масло од невен)

Начин на подготовка:

1. Изрендајте го чоколадото и стопете го на пареа (или во микробранова печка).

2. Во растопеното чоколадо додадете вазелин, па дообро измешајте ја смесата.

3. Додадете ги циметот и маслото од рицинус (или маслото што сте го избрале), па повторно добро измешајте.

4. Добиената смеса истурете ја во кутивче во кое ќе го чувате сјајот за усни (на пример празно пакување за сјај што сте го користеле претходно или пластично кутивче за козметика што може да го купите во парфимерија или продавница за козметика).

5. Ставете го во фрижидер да се излади. Дури и сјајот да е премногу течен кога ќе го претурате во кутивчето, тој ќе се стегне во фрижидерот.

6. Нанесувајте го на усните со прст или директно од кутивчето. Усните ќе имаат влажен сјај, поради рицинусовото масло во неговиот состав.

Забелешка: Сјајот треба да се чува во фрижидер, бидејќи природната козметика брзо се расипува. Но, тоа не значи дека не можете да го носите со себе, само вратете ја кутијата во фрижидер секоја вечер.

А. Ј. | Црнобело