Анастасија Илиевска за стилот и убавината: „Еднаш месечно одам на козметичар, вежбам 5 пати неделно“

„Облека пазарам каде што нешто ми се допаѓа - во маалска, дизајнерска или second hand продавница. Многу се грижам за облеката да трае долго и да е од добар квалитет. Имам сочувана облека и накит од баба ми, мајка ми, нешто што сум носела јас пред 20 години, па и денес ги носам“, вели новинарката Анастасија Илиевска.

Анастасија Илиевска (34) e новинар и уредник во телевизија „Алфа“.

Оваа млада дама, и мајка на две деца, секогаш е средена, дотерана и изгледа одлично, без оглед дали е тоа пред камерите или кога излегува на кафе со пријателките или на прошетка со сопругот и децата.

Анастасија има свои тајни на убавината, мали ритуали кои ги почитува, а кои ни ги раскажа во разговорот за CRNOBELO.com:

Стил на облекување

„Облеката за мене е начин на кој се изразувам креативно. Сакам различни стилови, споени во еден.

Но нема да ме видите во тренерки или хеланки, освен кога вежбам и понекогаш можеби кога сум дома.

Или пак во некои многу шарени комбинации и бои.

Обожавам накит. Порано ми беше важен квантитетот, да имам повеќе, да менувам и комбинирам.

Сега му давам предност на квалитетот. Имам сребрен уникатен филигрански комплет кој ми го подари мајка ми, бил нејзин кога била девојка.

Го носев за мојата матура и ми е едно од омилените парчиња кои ги поседувам. Еден ден ќе ѝ го подарам на ќерка ми.

А тука е и едно посебно ланче, кое ми го подари сопругот, и кое, исто така, многу ми значи.

Облека пазарам таму каде што нешто ми се допаѓа - може да е во маалска, дизајнерска или second hand продавница.

Важно ми е да ми се допаѓа, да е уникатно и да е нешто што би го носела во повеќе комбинации.

Слабост ми се чевлите. Порано почесто купував високи потпетици, сега некако предност давам на чевли без штикла или патики.

Од мала знам да земам ножици во раце и да преправам облека по мој вкус, а и денес го правам истото.

Многу се грижам за облеката, да трае долго и да е од добар квалитет.

Имам сочувана облека и накит кој бил од баба ми, од мајка ми, нешто што сум носела јас пред 20 години и ден денес е сочувано и го носам.

Сакам да сум добро облечена и сакам да гледам добро облечени луѓе.

Продолжува на следната страница...