Маска за лице од смокви за помазна и поблескава кожа

Без разлика дали ќе се одлучите да ги консумирате или да ги нанесете на лицето во форма на маска, ова овошје богато со антиоксиданти ќе ја направи вашата кожа мазна и подмладена.

Смоквите се одличен извор на растителни влакна и содржат витамин А, калциум, железо и други хранливи материи.

Слатки се и вкусни, а покрај нивното консумирање, тие се и добар избор кога станува збор за маските за нега на кожа.

Всушност, ваквите маски лесно се подготвуваат, треба да одвоите само малку време за релаксација и разубавување.

Потребни состојки:

• Една голема или две помали смокви
• Една мала лажичка мед или јогурт (по ваш избор)

Начин на подготовка:

1. Смоквата пресечете ја на половина, па извадете ја внатрешноста и добро изгмечете ја.
2. Додајте малку мед и јогурт.
3. Нанесете ја маската на лицето и почекајте 3-5 минути пред да ја измиете со вода

Совет плус: Доколку немате свежи смокви, за оваа маска за лице може да користите и суви смокви.

Едноставно, измешајте две или три суви смокви во блендер, со доволно количество вода за да направите маска која може лесно да се нанесува на кожата.

Зошто се корисни смоквите?

Без разлика дали ќе се одлучите да ги консумирате или да ги нанесете на лицето во форма на маска, ова овошје богато со антиоксиданти ќе ја направи вашата кожа мазна и подмладена.

Присуството на витамин Ц во смоквите исто така ќе направи вашата кожа да блеска.

Медот, пак, ви помага да ја задржите влажноста на кожата, кој, кога се нанесува во комбинација со смоквите, ја подобрува текстурата на кожата.

М. Ѓ. | Црнобело / фото: freepik.com