Најчести грешки со шминка според формата на лицето (и како да се нашминкате правилно)

Ако имате кружно лице и нанесувате руменило на јаболчниците, лицето ќе ви изгледа пошироко.

Важно е да ја земате предвид формата на лицето кога се шминкате бидејќи кај секоја форма треба да се истакнат различни карактеристики.

Ако имате овално лице, можете да експериментирате со скоро сè.  Ако имате кружно лице, фокусирајте се на тоа да ги дефинирате контурите.

Доколку имате лице со форма на квадрат, треба да ги омекнете контурите. Ако имате лице во форма на срце, треба да создадете рамнотежа помеѓу брадата и челото.

Ако имате долгнавесто лице, треба да создадете илузија на пошироко и пократко лице.

Најчестите грешки според формата на лице:

Кружно лице

Ако нанесувате хајлајтер директно на јаболчниците, лицето ќе ви изгледа пошироко. Наместо тоа, нанесувајте го над јаболчниците.

Лице со форма на квадрат

Ако го контурирате лицето со многу темна нијанса, ќе ги нагласите острите линии.

Контурирајте со нијанса многу слична на пудрата и не оставајте контрастни линии.

Овално лице

Не треба да претерате со контурирање бидејќи ќе ја нарушите природната хармонија на лицето.

Доволно ви е хајлајтер на јаболчниците.

Лице во форма на срце

Ако ставите многу хајлајтер на челото, ќе направите да изгледа поголемо.

Наместо тоа, истакнете ги брадата и oбразите за да создадете рамнотежа.

Долгнавесто лице

Ако ставите руменило под јаболчниците или на образите, лицето ќе ви изгледа подолго.

Каде да нанесете руменило според формата на лице?

Ако имате кружно лице, нанесете руменило над јаболчниците и размачкајте го кон слепоочниците.

Ако имате овално лице, фокусирајте се на јаболчниците и размачкајте го руменилото малку нагоре.

Ако имате лице со форма на квадрат, нанесете руменило малку над јаболчниците размачкајте го кон надворешната страна.

Ако имате лице во форма на срце, ставете го руменилото под јаболчниците и размачкајте го кон слепоочниците.

Ако имате долго лице, нанесете го руменилото на јаболчниците.

Совети за шминкање очи според формата на лице

На овално лице, најдобро изгледа нежна светкава сенка на средниот дел на капаците, во комбинација со потемна сенка на погорниот.

Ако имате кружно лице, нанесете темна сенка на надворешниот дел од окото и размачкајте ја кон внатре.

Ако имате лице во форма на срце, нагласете ја го внатрешниот дел на окото, а на капаците ставете понеутрална нијанса.

Ако имате лице со форма на квадрат, ставете посветла сенка на капаците и малку потемна нијанса на надворешниот раб од окото.

Ако имате долгнавесто лице, нанесете светкава сенка на капаците и малку потемна нијанса на надворешниот раб.

Спирова С. | Црнобело