Грешки заради кои спречувате косата да ви сјае како на рекламите

Немате рутина за коса пред спиење, носите често многу тесни капи, ја расчешлуавте додека е мокра и уште неколку грешки со кои ја уништувате косата. 

Понекогаш не е доволно само да користите одреден шампон за кој сте слушнале добри мислења. Негата на коса не завршува тука. 

Исто како рутините за лице, така постојат и рутини за нега на коса, а доколку не се грижите и не ја одржувате соодветно, ќе изгледа оштетено и несредено. 

Доколку правите некои од следниве грешки, никогаш нема да ви изгледа како на реклама, па направете промени побрзо.

Зошто косата не ви изгледа сјајно и како да го промените тоа?

Не ставате производи за нега на коса да отстојат преку ноќ

Не заборавајте на нега за коса од типот на маски и серуми соодветни за вашата коса кои ќе делуваат во текот на ноќта – ќе спречите сушење на косата, ќе се зголеми еластичноста и наутро ќе ви блеска.

Користите обичен пешкир и за косата

Не ги користете обичните, груби пешкири за бришење на косата за да не ја уништите, наместо тоа заменете ги со специјален турбан од микрофибер.

Ја занемарувате моќта на природните масла

Не значи дека мора да користите само скапи препарати за коса - кокосовото, бадемовото или маслиновото масло може да помогнат за помека и сјајна коса ако ги ставате да отстојат малку пред да ја измиете.

Често носите тесни капи

Тесните зимски капи, но и честото носење на бејзбол капчиња, може да ја уништат косата – бирајте шапки со простор за влакното да дише.

Фаќате опавче со синтетички ластичиња

Силно стегнатите ластичиња од гума и други неприродни материјали може посебно да ја уништат косата, најдобро е да ги замените со мазни свилени стегачи.

Не ја третирате соодветно мократа коса

Додека е мокра косата, грубото чешлање може многу полесно да ја уништи, па не претерувајте со расчешлувањето додека малку не ја исушите. Исто така, никогаш не легнувајте со мокра коса.

Не ја хидрирате доволно косата во текот на ладните месеци

Ако во лето ја заштитувате косата од УВ зраците, во зима пак, е потребна дополнителна хидратација со препарати за да ѝ го вратите сјајот.

Заборавате на ноќна рутина

Секоја вечер пред спиење, не заборавајте убаво да ја исчешлате косата за да не се заплеткува и кине во текот на ноќта. Не ја фаќајте цврсто со стегачи, може да ја фатите нежно или во опуштена плетенка.

М. М. | Црнобело