Практични совети за нега на нозе и стапала во зима (за мазна и мека кожа)

Немојте да користите камен за пети на сува кожа и редовно ставајте лосион на нозете.

Во зима, кога ја прескокнуваме поразголената облека, не обрнуваме исто внимание на негата на нозете како во лето.

Но, во зима на кожата ѝ е потребна и дополнителна нега бидејќи е посклона кон сушење.

Неколку совети за зимска нега на нозе и стапала:

Внимавајте кога ги бричете нозете

Без разлика дали редовно ги бричете нозете или само кога немате време за депилација, мора да обрнете внимание на некои работи

Најпрво, користете остар брич – тапиот жилет нема да ги отстрани влакната, а и може да ви ја иритира кожата.

Исто така, задолжително омекнете ја кожата (со туширање) пред да се бричете за да ја намалите иритацијата.

Секогаш користете крем, пена или гел за бричење.

За крај, движете го жителот во насока на растење на влакната – со ова помалку ќе ја иритирате кожата.

Редовно правете пилинг

Еднаш или двапати недело правете пилинг на кожата на нозете.

Пилингот ќе ги отстрани мртвите кожни клетки и темелно ќе ја исчисти кожата.

Можете да купите пилинг за тело од продавница, а можете и да си направите сами, на пример, со талог од кафе, крупна сол и маслиново масло.

Редовно ставајте лосион

Во зима можеби почесто го прескокнувате лосионот за тело, но во овој период од годината е всушност попотребен.

Во зима кожата се суши повеќе, што, пак, може да води до иритација и чешање.

Ставајте лосион по секое туширање, додека кожата е уште малку влажна.

Ако имате многу сува кожа, потрудете се да ставате секојдневно.

Суво четкање за подобра циркулација

Сувото четкање на нозете делува како пилинг, а истовремено ја подобрува циркулацијата.

Можно е и да ја намали видливоста на целулит.

Важно е да користите мека четка, и да користите нежни движења за да не ја изгребете кожата.

Доволно е да го правите ова еднаш-двапати неделно, пред туширање.

Продолжува на следната страница...