Изразени брчки, подочници - Како изгледаат одблизу дамите кои прошетаа на црвениот тепих во Кан?

Една од најубавите жени на светот, Русинката Ирина Шајк, не делува толку младо одблизу како на фотографиите што самата ги споделува на социјалните мрежи.

Фестивалот во Кан и понатаму останува едно од најголемите филмски случувања во Европа.

Тоа е можност актерите да ги промовираат своите нови филмови, но и светските модели само да продефилираат на црвениот тепих, да се фотографираат, а со своето присуство да го кренат рејтингот на настанот.

Фотографите, пак, тие неколку секунди додека се славните дами и мажи пред нив, ги користат да направат што е можно повеќе фотки за своите медиуми, или за да ги продадат на новинските агенции.

И токму тие се оние што го доловуваат ликот на ѕвездите во вистинско светло - без фотошоп, филтри, со сите нивни несовршености кои самите жени пробуваат да ги скријат.

Како изгледаа одблизу и без филтри некои од славните жени кои прошетаа на црвениот тепих во Кан?

Бела Хадид

Важи за жена со најсовршено лице во светот (според параметрите создадени од научниците), но и покрај тоа нејзиното лице е далеку од совршено.

На фотките од Кан, нејзината кожа делува рапаво, со големи пори и изразени линии околу устата и под неа, односно длабока линија над брадата.

Кристен Стјуарт

Ѕвездата на Twilight ги подели мислењата на стилистите и публиката - и во однос на облеката, но и за косата, која е комбинација од руси, бели и жолти прамени.

На фотките направени одблизу може да се види и дека нејзината кожа е масна и сјае, како да ѝ недостига камена пудра да ја фиксира шминката и да го ублажи сјајот, а изразени се и нејзините подочници и борите под очите.

Натали Портман

Актерката на црвениот тепих во Кан дојде со минималистичка шминка - сјај на устата и нагласени трепки.

Актерката делува „испиено“ во образите и има нагласени жили на вратот бидејќи е многу слаба.

Жилиет Бинош

Француската актерка е претседател на овогодинешното жири во Кан.

На црвениот тепих на отворањето на фестивалот таа носеше интересна бела креација, а на нејзиниот лик се забележуваа годините - изразени брчки под очите и на носот.

Бинош е една од оние жени кои не преферираат естетски корекции, туку старее природно, а кожата ја негува со квалитетна козметика.

Ирина Шајк

Една од најубавите жени на светот, Русинката Ирина Шајк, не делува толку младо одблизу, како на фотографиите што самата ги споделува на социјалните мрежи.

На фотките одблизу, направени во Кан, може да се видат големи подочници и ќесички под очите, како и изразени линии над усната.

А. Ј. | Црнобело