5 тренди техники за фарбање за кои не мора да одите на фризер секој месец

Техниката балајаж е идеална ако не сакате секој месец да одите на фризер, бидејќи изгледа убаво дури и откако косата ќе порасне повеќе.

Ако сте од оние кои не сакаат секој месец да одат на фризер, има многу фризури кои не треба да се обновуваат толку често.

Уште подобро е што ова се фризури со кои се нагласува вашата природна боја на косата и изгледаат добро и неколку месеци по фарбањето.

Пет тренди предлози што вреди да ги пробате:

Балајаж

Балајаж е популарна техника за фарбање која изгледа добро и на светла и на темна коса.

Со оваа техника се прават прамени со боја блиска до природната, така што косата изгледа како да осветлила природно, од сонце.

Бидејќи прамените не се прават од коренот, можете да го прескокнете одењето на фризер неколку месеци.

Единствено ако ставате многу светли прамени, консултирајте се со вашиот фризер кои продукти ќе треба да ги користите за да го спречите пожолтувањето.

Светли врвови

Оваа фризура најдобро изгледа ако имате природно посветла коса – на многу темна коса може да изгледа лошо поради големиот контраст.

Бидејќи се осветлуваат само врвовите на косата, фризурата ќе изгледа добро со месеци.

Мока мус прамени

Ако имате природно кафеава коса, можете да ја направите прамени со мока мус нијанса.

Прамените ќе делуваат мошне природно, а бидејќи се блиску до природната боја на косата, не мора да ја обновувате секој месец.

Чоколадни прамени

Ако имате многу темна коса, тогаш можете да направите чоколадни прамени.

Чоколадната нијанса ќе ѝ даде побогат изглед на косата, а нема да се познава ако не отидете на фризер и неколку месеци.

„Валкано“ руса боја

Валкано русата боја е нијанса помеѓу кафеава и руса, па е идеална за природно светла боја на косата.

Делува природно, а бидејќи е блиску до вашата боја, ќе изгледа убаво дури и откако корените малку ќе подраснат.

Спирова С. | Црнобело