Направете сами: 5 интересни и лесни фризури

Ако не сакате постојано да бидете еднолични, исти и досадни, време е да промените нешто кај себе. Косата е најлесна за трансформација. Зошто секој ден да излегувате само со исчешлана, пуштена коса или собрана во опавче?

Дури и ако не сте многу вешти со рацете, овие неколку туторијали ќе ви помогнат сами да направите 5 различни фризури.

1. Панк плетенка во опавче

Од средината на горниот дел од главата почнете да ја плетете косата до средината, соберете ја со остатокот и врзете ја во опавче.

2. Бушава плетенка рибина коска

На едната страна лабаво врзете ја косата во опавче, сплетете го во плетенка  - рибина коска и расчепкајте ја за да не изгледа стегнато.

3. Долгата коса скратете ја со крупни локни

Навиткајте ја целата коса во локни и прицврстете ја со шноли. Откако ќе отстои, пуштете ја и врвовите врзете ги со ластиче. Подвиткајте ги навнатре за да ви изгледа како боб фризура.

4. Странична плетенка во пунџа

Плетете внатрешна плетенка дијагонално од  горе надолу и замотајте ја во пунџа на вратот.

5. Пин-ап фризура

Врзете ја во висок кок и прамен по прамен навиткајте ја во развлечени локни, шишките виткајте ги навнатре и врзете марама во вид на венче.