Пластична операција или добра шминка?

Верувале или не, личноста која ја гледате на фотографијата подолу е една иста. Се работи за Алекса Реј Џоел, ќерката на американскиот музичар Били Џоел, која изминативе неколку дена ги наполни таблоидите со своите „пред и потоа“ фотографии.

Нејзиниот нов изглед започна безброј приказни за тоа како му подлегнала на трендот на пластични операции, но прекрасната бринета тврди дека немала ниту една пластична операција по онаа на носот, која ја потврди уште во 2010 година.

„Уште еднаш би сакала да ги демантирам гласините дека сум имала десетина пластични операции на лицето и дека сум ги зголемила градите. Тие приказни се потполно лажни. Единствено што некогаш сум оперирала беше мојот нос и секогаш сум била отворена кога пластичните операции се во прашање,“ напиша Алекса на својот Инстаграм профил.

„За сите мои позитивни промени можам да и се заблагодарам на мојата брилијантна шминкерка, која е вистински магионичар.“

Што мислите вие? Пластични корекции или добра шминка?