Како да ја препознаете козметиката со поминат рок?

Поголемиот дел од жените има проблем со одвојување од својата козметика. Сепак, време е да разберете дека нема ништо пострашно од козметика со изминат рок.

Покрај стариот датум, постојат уште неколку знаци кои јасно укажуваат дека млекото за тело, карминот или руменилото повеќе не се за користење.

Промена на текстурата

Дали некогаш сте користеле пудра која повеќе не е во првобитната состојба? Ако забележите дека пудрата која на почеток беше кремаста, сега се претвори во темна течност, време е да се ослободите од неа.

Необичен мирис

Она што е најважно при изборот на козметика е мирисот. Ако со текот на времето мирисот се изгуби или пак се промени, голема е шансата дека рокот веќе одамна поминал. Ова посебно се однесува на сенките, камените пудри и сјајот за усни.

Реакција на кожата

Црвените флеки и чудните реакции на некој производ се крајниот показател дека козметичкиот производ има одминат рок. Не се доведувајте до ваква ситуација и уште денес подновете се со нов кармин, маскара и пудра.