Што им прават високите потпетици на вашите стапала?

Екстремно високите потпетици визуелно прават нозете да изгледаат витки, згодни и женствени, но ако го погледнете стапалото низ тродимензионален приказ на коските, можеби ќе размислите двапати следен пат кога ќе треба да облечете високи потпетици.

Технологијата „pedCAT“ претставува посебен вид рендгенска снимка која во Америка добила дозвола од министерството за здравство. Најголемата разлика меѓу оваа и класичната рендген снимка е во тоа што лекарот може да го види стапалото во реалната ситуација каде трпи притисок на телесната тежина.

Добро е познато дека високите потпетици и тесните врвови може да бидат ужасни за стапалото. Проблемот кој може да се појави кај жените кои често носат вакви чевли е скратување и задебелување на Ахиловата тетива, поради што подоцна може да дојде до тендонитис (воспаление на тетивата) , приклештување на нервите, зглобовите и деформитети.

Ако имате болка во стапалото или зглобовите доволно е да направите лекарски преглед и дводимензионален рендген . Докторите се искрени кога се работи за носењето потпетици и сметаат дека жените кои тврдат дека ги носат само за викенди, сепак истите ги носат и во текот на неделата бидејќи сметаат дека во нив изгледаат поубаво и поженствено.

-Модата секако ќе победи, затоа сметаме дека најпаметно е барем умерено да ги носите високите потпетици. Не ги носете секојдневно и ќе ги поштедите стапалата од непотребното страдање – тврди доктор Алан Блок.

Погледнете што се случува со вашето стапало кога носите високи потпетици: