Што да ѝ направите на кожата што лесно поцрвенува?

За жал, кожата која е склона на поцрвенување тешко се менува и зависи многу од генетиката и типот на кожа. Сепак, со добра нега и неколку трикови лесно може да ја држите под контрола.

Ова се десет правила за кожата која често поцрвенува:

1. Користете исклучиво благи производи за нега, наменети за чувствителна кожа.

2. Заборавете на силните лосиони и чистачи на шминка, користете млеко или масло за отстранување на шминката.

3. Бидете внимателни со производите на растителна база, бидејќи многу билки може да реагираат лошо во комбинација со чувствителната кожа.

4. Секогаш користете хидратантна крема со заштитен фактор.

5. Не помислувајте на козметички третмани од типот на микродермоабразија.

6. Црвенилото во летните денови ублажете го со ладни облоги или коцки мраз.

7. Користете светлозелена база на пудра.

8. Избегнувајте ги пудрите со портокалова нијанса.

9. Не носете гардероба со боја која го истакнува црвенилото, како: окер, портокалова и кафена.

10. Приспособете ја бојата на косата со тенот на лицето. Избегнувајте жолтеникав и црвеникав отсјај.