5 најчести грешки поради кои пожолтуваат забите

Добрата хигиена на усната празнина подразбира често четкање на забите, плакнење на устата со вода и чистење со забен конец. Но, дури и ако редовно ги правите сите овие работи, некои навики може да ве спречат во избелувањето на забите и блескавата насмевка.

За да не го зголемите пожолтувањето на забите мора да внимавате и да избегнувате некои производи.

1. Кофеин и танин

Добро е познато дека пијалаците богати со танин како црвеното вино и кофеинот во кафето предизвикуваат темни дамки на забите. Посебно е проблематичен црниот чај чии честички на танин тешко се отстрануваат од забите. Затоа, ако сакате да уживате во утрински чај, подобро одберете зелен, кој и дополнително ќе ви ги избели забите.

2. Многу газирани пијалаци

Слатките газирани пијалаци се полни со шеќери кои би можеле да ви предизвикаат кариес. Но таквите напитоци, а посебно жестоките или оние со флуросцентни бои содржат голема количина киселини кои ќе ги пожолтат вашите заби, ако често ги консумирате.

3. Тврди слатки

Ако сакате да имате здрави бели заби, тогаш мора да се откажете од ситните слатки како лижавчиња и бонбони. Ваквите производи се полни со шеќери кои ги уништуваат забите. Но, со оглед на тоа што не е лесно да ги изедете, долго ги држите во устата и така дополнително ја оштетувате усната шуплина.

4. Сосови

Жолтите дамки на забите се последица и на претераното уживање во додатоците за храна како кечап, балсамико или кинеските на база на соја. Забите пожолтуваат и доколку често уживате во зачинета храна.

5. Овошни и зеленчукови бои

Некои врсти на овошје и зеленчук, како шипка, боровница содржат многу полифенол кој го штити телото од бројни болести, но и ја менуваат бојата на забите. Дополнителна штета за забите може да направите, ако по јадењето на плодот веднаш ги измиете забите. Подобро е да почекате барем половина час и да дозволите жлездите на слузницата да ја завршат својата работа и да ги разградат бактериите и киселините во устата, па дури потоа да посегнете по четката за заби.