Миранда Кер ја открива тајната за убавината

Таа е втор најплатен модел во светот, има своја компанија и се грижи за тригодишниот син Флин. Но, покрај сите обврски никогаш не можеме да ја видиме без совршена фризура и облека. На својот блог Миранда ја открила својата тајна за нејзиниот речиси совршен изглед и колку време ѝ е потребно за да се подготви наутро.

- Поради обврските околу детето, обично имам само 15 минути наутро за да се подготвам. Задолжително прво пијам чаша топла вода со лимон. Овој пијалак го поттикнува варењето во текот на денот. Го чисти организмот, го подигнува имунитетот и ја балансира pH вредноста во организмот. Исто така е богат со витамин Ц кој секогаш е добар за здравјето.

По чашата со вода и лимон се освежува со утринско туширање

- Пред да влезам под туш, го тријам телото со четка. Тоа е одлично за циркулацијата, лимфната дренажа, отстранување на мртвите клетки од кожата и за детоксикација. Почнувам од нозете, па продолжувам нагоре. Тоа не одзема воопшто време, а одлично влијае.

Косата секогаш ја мие навечер и наутро и останува само да ја собере или да направи плетенка.

Со оглед на тоа што има своја линија на козметика, секојдневно ги користи производите за време на дневната рутина за нега.

- По туширањето го нанесувам својот омилен путер за тело, а потоа се шминкам. Не сакам пудри, па наместо нив ставам тонирана крема која совршено покрива и му дава свежина на лицето. Потоа нанесувам маскара и моливче за веѓи. На крај додавам само балсам за усни – открива Миранда.

Пред да излезе од дома со себе понесува и зелен сок.

- Зелениот сок од свежо овошје и зеленчук секогаш е добар за вашиот крвоток, бидејќи ја одржува крвта здрава и со доволно кислород. Зелените сокови се полни со витамини и минерали, поради кои кожата ќе ви биде почиста, а очите побистри.-објаснува Миранда Кер.

Сите совети кои таа ги дава и применува се природни, како што и самата изгледа. Затоа, наместо да купувате скапи препарати, доволно е да го искористите она што го имате дома.