Здраво и природно: Пет начини да ја испеглате косата без пегла

Нема потреба веќе да се жалите дека ја уништувате косата, а сакате да ви биде рамна. Направете еднаш неделно некој од овие третмани и вашата коса ќе биде права, природна и здрава.

Сите се евтини и може да си ги направите дома, без многу подготовки, а како резултат ќе добиете прекрасна рамна коса како од салон, која притоа е здрава, нахранета и неоштетена.

Топло масло

За овој третман ви се потребни кокосово и маслиново масло кои ќе ги измешате. Потоа таа мешавина ќе ја нанесете на сува коса, ќе ја завиткате со топол пешкир и ќе ја исплакнете по 45 минути. Наместо маслиново, може да користите и бадемово масло.

Мед и млеко

Може да користите само млеко, но и комбинација на мед и млеко. Во шишенце со прскалка сипете млеко, напрскајте ја косата и оставете ја да отстои околу половина час, па измијте ја. Што се однесува до комбинацијата, млекото и медот измешајте ги, а за подобар ефект додадете и изматкани банани и јагоди. Целата мешавина нанесете ја на косата, оставете да делува околу 90 минути, па исплакнете ја.

Јаболков оцет

Една лажица јаболков оцет помешајте со 1 шолја вода, ставете го тоа во шишенце со прскалка и нанесете на измиена, влажна коса и истријте ја мешавината. Оставете да делува неколку минути, па исплакнете ја.

Маслиново масло и јајце

Маслиновото масло е нешто без што не се може бидејќи се покажало како делотворно и во исхраната и во препаратите за убавина.

За овој третман се потребни 2 јајца и маслиново масло. Промешајте ја смесата ставете ја на косата и по 1 час исплакнете ја.

Лимон и кокос

Уште еден рецепт за мека и рамна коса кој може да го направите од кокос и лимон. Кокосот изрендајте го, помешајте со вода и процедете ја смесата за да го одвоите млекото. Потоа додајте сок од лимон и изладете ја мешавината во фрижидер. Кремастиот слој кој ќе се создаде на врвот  на смесата треба да го втриете во косата и да ја покриете со топол пешкир. По 1 час исплакнете ја!

Имате ли вие некој природен трик за израмнување на косата?