Разубавете се со сода бикарбона

Натриум бикарбонат, кој популарно се нарекува сода бикарбона има широка примена во готвењето, перењето, лекувањето, но и во козметиката. Постојат 4 начини на кои таа може да ве разубави.

Овој чудотворен прав ќе ви помогне да изгледате свежо и разубавено со помош на едноставни домашни маски кои можете да ги направите сами и што е најважно нема да наштетат на вашиот буџет.

Погледнете ги 4-те начини на разубавување со сода:

1. Помешајте сода бикарбона со вода, во однос 3:1  и со нежни движења масирајте го лицето. На тој начин ќе направите благ и ефикасен пилинг, а и доколку имате мозолчиња за кратко време ќе исчезнат.

2. Направете си сопствен шампон за коса со тоа што во едно шишенце шампон ќе додадете ¼ сода бикарбона. Потребно е содата да ја додадете во проѕирен, а не во кремаст шампон.

Ако се брзате и немате време да ја измиете косата, содата бикарбона можете да ја користите како сув шампон, бидејќи таа ќе ги впие маснотиите. Ставете малку од прашокот на темето и исчешлајте ја косата со помош на прстите.

3. За да ги ублажите изгорениците, натопете еден пешкир во раствор од 250 ml вода и 4 кафени лажички сода бикарбона. Добиениот раствор ќе ја извлече жештината од изгореницата.

4. Овој прашок може да ви помогне да имате мека кожа, а за тоа ви е потребна топла купка во која ќе ја растворите сода бикарбоната.

Освен тоа, кога правите домашен педикир, додајте 3 кафени лажички сода бикарбона во топла вода и стапалата ќе ви бидат благодарни.