Зголемете ги усните на природен начин во 6 чекори

Во денешно време кога сите девојки тежнеат кон желбата за побујни усни, одбираат различни хируршки методи за привремено зголемување, а некои од нив се одлучуваат дури на пластична операција и вметнуваат силикони.

Силиконите може да опаднат после неколку години, а привременото зголемување чини многу пари.

Затоа најдобро е доколку сакате да постигнете ефект на поголеми и сочни усни, зголемете ги на природен начин во само шест чекори.

Чекор 1: Нанесете камена пудра

Кога нанесувате камена пудра, овој пат не ја изоставувајте устата. Нанесете пудра и на неа бидејќи како подлога, таа ќе го задржи карминот подолго време на вашите усни.

Чекор 2: Исцртајте ги усните со моливче на надворешната линија

Одберете каква нијанса на кармин сакате да нанесете на крајот и почнете да ја исцртувате со моливче една нијанса потемно од тој кармин.

Најефективно ќе биде доколку одберете темно кафеаво моливче. Исцртајте ги усните по нивната надворешна линија се до рабовите, но како што одите по должината на рабовите линијата нека биде потенка.

Чекор 3: Сега исцртајте на внатрешните линии

Ова е најефективниот чекор од сите кои не смеете да го изоставите, бидејќи дава визуелен ефект на полни усни. Исцртајте ги сите линии кои ги гледате во внатрешноста на вашите усни со подтврдо стискање на моливчето.

Чекор 4: Ставете безбојно лабело

Сигурно се погледнавте во огледало и не ви се допадна тоа што го гледате, усни исцртани со линија, но верувајте дека со наредните чекори ефектот ќе стане повидлив.

Земете безбојно лабело и наместо да ги размачкувате нацртаните линии со прст, размачкајте ги со лабелото.

Чекор 5: Ставете кармин една нијанса посветол од моливчето

Како што е напоменато претходно, карминот треба да биде една нијанса посветол од моливчето за усни. Нанесете го карминот и погледнете го резултатот.

Чекор 6: Ставете сјај за дополнителен ефект

За дополнително истакнување и ефект ставете безбоен сјај на средината на долната усна. Ова е трик кој го употребуваат професионалните шминкери а вие можете да го искористите за да добиете полни усни на кои никој нема да може да им одолее.