Испробајте: Природен регенератор за коса од пиво и камилица

Ако во продуктите за коса кои секојдневно ги користите спаѓа вашиот скап регенератор кој не делува баш најдобро, одлучете се за природен регенератор кој може да го направите во домашни услови за само неколку минути.

Потребни ќе ви бидат само едно пиво и една кесичка чај од камилица.

Пивото и кесичката чај ставете ги да зовријат во посебни тенџерчиња.

Откако двете ќе зовријат тргнете ги од оган и измешајте ги во шише од веќе испразнет шампон или обично пластично шише од вода.

Вашиот домашен регенератор е готов. Измијте ја косата со млака вода и шампон, а потоа испробајте го.

Оставете да отстои околу две до пет минути на вашата коса и исплакнете повторно со млака вода.

Резултатите ќе бидат неверојатни, бидејќи пивото ќе и даде сјај и ќе го промени безживотниот изглед на косата, додека пак камилицата ќе ја омекне.

Камилицата исто така ќе го спречи првутот, а пивото ќе ви помогне полесно да ја исчешлате косата која нема да ви се заплеткува како порано.

Испробајте и споделете ги резултатите во коментарите!