4 трикови за полни усни

Некои девојки се родени со природно полни усни, но на повеќето ни се потребни мали трикови и техники за имаме такви усни.

Со помош на овие 4 трикови за многу кратко време ќе ги добиете усните кои отсекогаш ги посакувавте.

Подготовка

Секогаш е подобро да цртате на чисто платно. Затоа подгответе ги своите усни така што ќе им направите пилинг, ќе ставите лабело, а кога малку ќе се впие, ставете коректор.

Исцртајте ги

Откако ќе ги подготвите усните, многу полесно ќе ви биде да ги исцртате со моливче во природна боја. Благо поминете по рабовите на устата и ќе видите каков ефект ќе постигнете.

Боја

Изберете некоја силна боја која најдобро ви го истакнува тенот или одлучете се за популарните „голи“ нијанси - сеедно.

Финиш

За сам крај нанесете безбоен сјај кој ќе ви ги исполни усните. Користете специјални сјаеви со хијалурон кој дополнително ги пополнува усните.