3 видови локни со едно виткање на косата

Витканата коса со локни секогаш делува интересно и привлечно. Одговара во разни прилики, посвечени или секојдневни, зависно колку внимание ќе ѝ посветите и како ќе ја носите.

Доколку имате малку време да си посветите на себе, наместо да одите на фризер, доволно ви е само фигаро и да одберете една од овие 3 постапки за да добиете супер впечатлива фризура.

1. Полулокни

- Издвојте прамен од косата со дебелина по желба. Колку е потенок праменот, толку локната ќе биде поситна и понагласена.

- Праменот фатете го со прстите за крајот и почнете да го мотате околу неговата оска, но само до половина.

- Загрејте го фигарото и намотајте го праменот околу него одозгора надолу, но така што праменот на горниот дел да го раширите по должината на фигарото, а на долниот дел да го замотате во цврст округол прамен.

- Резултатот се лежерни локни кои се нагласени на краевите.

2. Спирала

- Издвојте прамен од косата со дебелина по желба.

- Праменот фатете го со прстите на крајот и почнете да го мотате околу сопствената оска. Замотајте го до коренот, така што ќе стане цврст.

- Загрејте го фигарото и праменот намотајте го густо околу него одозгора надолу.

- Како резултат ќе добиете нагласени спирални локни.

3. Сплескани локни

- Издвојте прамен од косата со дебелина по желба.

- Загрејте го фигарото и праменот замотајте го околу него, одозгора надолу, но така што праменот ќе се распореди по целата ширина и должина на фигарото.

- Како резултат ќе добиете спирални локни.

Совети плус:

Ако сакате фризурата да ја направите уште поинтересна може да ги комбинирате сите три видови локни.

Третата техника искористете ја за долните и подебелите прамени, втората техника за површните прамени и оние околу лицето, а првата техника за повеќето прамени низ целата коса, така што секој втор прамен ќе го замотувате околу фигарото во спротивен правец.