3 зимски гревови заради кои ви се појавува целулит

Навиките кои ги имате во текот на студените денови се најголемите виновници за појавата или зголемувањето на целулитот. Затоа, погледнете на кој начин можете да ги ублажите последиците од зимскиот грев.

Идеални услови за создавање на целулит се долготрајното седење, намалената телесна активност, тесната облека и мрсната храна, како и храната богата со шеќер.

Погледнете кои навики мора да ги отфрлите со цел навреме да се спасите од целулитот:

1. Тесна облека

Причината за појава на целулит е слабата циркулација, а истата ослабува поради тесните фармерки кои секојдневно ги носиме. Затоа понекогаш е подобро да се одлучите за меки хеланки со туника или растегливи панталони, кои нема да ве стегаат. Во текот на зимата, добро е секојдневно на овој дел од телото да се масирате со помош на масло кое самите можете да го направите. Во некое базно масло (маслиново, сусамово) додајте неколку капки етерично масло од лимон или рузмарин и масирајте ги критичните подрачја.

2. Лоша исхрана

Консумирањето на исхрана богата со високо калорични масни и слатки намирници е уште е еден причинител за создавање на целулитот. Во намирниците кои се препорачуваат за консумирање спаѓаат следниве: безмасно месо, риба, свежо сирење, овошје, зеленчук и мед.

За да го смалите лошото влијание на храната која често се консумира во текот на зимата, пијте повеќе вода и консумирајте свежо овошје и зеленчук.

3. Недоволно движење

Во текот на зимата сите сме повеќе затворени во своите домови, а токму недостатокот од физички активности доведува до лоша циркулација и секако појава на целулит. Затоа пожелно е да се обидувате колку што можете повеќе да пешачите, да користите скали наместо лифт и дневно да правите барем неколку вежби.