Супер совети: Како да ја истакнете природната боја на очите со шминка?

Следен пат кога ќе се обидете да ја пронајдете совршената сенка која ќе ви ги истакне зелените, сините или кафените очи, запаметете едно единствено правило – спротивностите се привлекуваат.

Шминка за девојките со зелени очи

Црвената боја е потполно спротивна на зелената, па не е ни чудо што црвените усни најдобро им стојат на девојките со зелени очи. Секако, невозможно е да нанесете црвено на очите, но затоа бојата на слива, вино или земјестите тонови се одличен избор за сенка.

Шминка за девојките со сини очи

Портокаловата е спротивна од сината, така што било која нијанса на оваа боја ќе ги нагласи сините очи. Одберете златна или топла портокалова сенка. Исто така пробајте ги и сенките во нијанса на кајсија, праска, бакар или боја на слонова коска.

Шминка за девојките со кафени очи

Кафената е неутрална боја, така што било која боја ќе ви ги истакне темните очи. Добро би било да се одлучите за сина или виолетова нијанса на очите, а ако сакате да носите розово, најдобро е да одберете циклама кармин. Никако не се смирувајте со златните или кафени тонови, користете повеќе бои.