Совршена маска за лице според вашиот вид на кожа

Во текот студените месеци на кожата и е потребна интензивна нега поради ниските температури, греењето и некои други фактори, заради кои се намалува влагата на кожата.

Па, затоа е најдобро еднаш неделно кожата да се потхрани со маска која ќе ја обнови и ќе ја направи сјајна.

Маската се одбира според видот на кожата!

Маската како и кремата за лице треба да се одбере според типот на кожата. Маската не треба веднаш да се нанесе на лицето, туку се нанесува мал слој на подлактницата. Доколку не се појави црвенило или некоја друга реакција, дури тогаш маската може да се нанесе на лицето.

Маска за сува кожа

На сувата кожа не се препорачува маска на база на глина, сулфур или со екстракт од лимон. Најдобри се маските кои содржат масло од кајсија, масло од јојоба, глицерин и шеа путер бидејќи ја хидрираат кожата.

Маски за масна кожа

Најдобри за мрсна кожа се маските кои содржат морска сол, лековита кал и глина.

Маска за чувствителна кожа

За оние кои имаат чувствителна кожа, маската треба внимателно да ја одбираат. На овој тип на кожа и одговара камилицата, краставицата и моќната алое вера.

Маска за мешана кожа

На мешовитиот тип на кожа и одговараат маските кои ги чистат мртвите клетки од кожата. Најдобар избор се маските кои хидрираат и содржат ниска концентрација на киселини. Можете да одберете комбинација од бадемово масло и млечни киселини, кои не предизвикуваат иритација.