6 начини како да ја носите боб фризурата оваа пролет

Боб фризурата дефинитивно стана еден од најпопуларните избори на жените. Во последните неколку сезони настанаа повеќе варијации, од долг боб, па сè до нерамен боб со шпицови.

Ако веќе имате боб фризура или планиравте да се освежите пред доаѓањето на пролетта, ви предлагаме да ги пробате овие 6 пролетни трендови за стилизирање на косата:

1. Текстура

Ако сакате благо неуреден изглед, направете благи бранови во косата. Истапирајте дел од нив и косата префрлете ја на страна.

2. Плетенка како детаљ

Аксесоарите за коса веќе одамна не се модерни, но затоа плетенките се водечки тренд секоја сезона. Доволно е да исплетете еден прамен и да го прицврстите со шнола.

3. Испеглана, рамна и уредна

За сите дами кои имаат елегантен и деловен стил, ова е идеален секојдневен избор. Исфенираната и испеглана боб фризура никогаш нема да излезе од мода.

4. Длабок патец

Тајната на длабокиот патец веќе одамна ја открија и најголемите ѕвезди, па зошто не би ја испробале и вие? Едноставно променете го стандардниот патец и ќе добиете волумен и многу погламурозен изглед.

5. Шишки

Шишките може да бидат одличен начин да ја освежите фризурата, а должината да остане недопрена.

6. Полуфатена

Косата можете да ја скротите така што горниот слој ќе го потфатите во мала пунџа на темето или на средината од главата. Оригинален изглед и тренд кој започнува оваа сезона.