Брзо и ефикасно: Отстранете ги стриите со овие етерични масла

Стриите се еден од најчестите козметички проблеми со кои се соочуваат жените, а настануваат поради брзото растегнување на кожата.

Го зафаќаат длабокиот слој на поврзувачкото ткиво, па кожата веќе не е во состојба да се врати во првобитниот облик.

Најчесто се појавуваат во пределот на надлактицата, долниот дел на грбот, над колената, на стомакот, бедрата или градите.

Постојат најразлични скапи препарати и третмани кои нудат решение, но сепак најефикасни се природните ладно цедени масла како маслиново или кокосово кои во исто време ја хидрираат и затегнуваат кожата, а со тоа ги прават помалку видливи лузните.

Ист ефект може да постигнете и со маслото од рузмарин или бадем со кое ќе ја масирате оштетената кожа околу 15-20 минути секој ден.

Етеричното масло од рузмарин помага за кожата да се тонира и да биде сува, а редовната употреба може да ѝ даде посебен сјај.

Бадемовото масло одговара скоро на сите типови кожа, ја ублажува иритацијата, ја хидрира кожата и содржи витамини A, B и Е кои ја хранат кожата.

Маслото од пченични зрна содржи витамин Е кој е природен антиоксиданс, па длабински ја храни и регенерира кожата.

Уште подобро дејство ќе има ако се помеша со ружино масло, бидејќи латиците на ружата содржат есенцијално масло кое го намалува црвенилото и иритацијата на кожата. Со оваа комбинација масирајте ги проблематичните предели двапати неделно.