3 Причини за појава на подочници кои немаат врска со недостатокот на сон

Иако со шминка лесно се сокриваат, сепак подочниците претставуваат вистински кошмар за секого...

Но, освен недостатокот од сон, врз нивната појава влијаат и овие најизразени 3 причини:

1. Сезонски алергии

Константното затнување на дишните патишта, првенствено на носот, можат да влијаат негативно врз протокот на крвта до синусите, а со тоа доаѓа и до отекување под очите. Доколку заради алергија ве чеша носот или ви солзат очите, триењето може да ги зголеми отоците на очите. Сличен ефект можат да имаат и козметичките производи, доколку некои од нив ви предизвикуваат алергиска реакција.

2. Егзема

Темните подочници исто така се и чест симптом на егзема, хронично кожно заболување кое најчесто почнува од детството и предизвикува појава на црвен осип кој чеша. Повторувањето на овие воспаленија може да доведе до потемнување на чувствителниот дел на кожата под очите. Личностите кои се борат со егзема често имаат сува кожа и токму поради недостатокот на хидратација се појавуваат подочниците. Најважно е неколку пати во денот, во пределот под очите, да нанесувате хидратантна крема.

3. Стареење на кожата

Како што старееме, кожата под очите станува тенка и губи колаген што ја прави проѕирна, а со самото тоа се истакнува видливоста на вените. Кремите кои содржат ретинол можат да го зголемат производството на колаген и така да ги намалат темните подочници. Пред да излезете од дома секогаш нанесувајте креми со заштитен фактор, без разлика на временските услови, бидејќи УВ зраците можат да ја направат кожата потенка.