8 начини на кои погрешно ги нанесувате препаратите за коса

Иако секојдневно користите барем по еден препарат за коса, сигурно и тој го нанесувате погрешно. Ако не ни верувате, имаме 8 докази за тоа.

Откако ќе ги поправите овие грешки, изгледот на косата целосно ќе ви се промени.

1. Користите преголема количина од препаратите за волумен, што дополнително ви ја отежнува и сплескува косата. Наместо да нанесувате еден тон пена или серум за волумен, ставете една капка на дланките, размачкајте па потоа поминете со дланките низ косата.

2. Откако ќе ја исушите косата со пешкир, грубо ја шприцате само неколку пати со спреј за заштита, без да знаете дека важно е да го опфатите секој прамен ако сакате да го добиете вистинскиот резултат.

3. Продуктите ги прскате од премногу блиску. На овој начин се фокусирате на една точка, а останатиот дел до косата останува недопрен. Обидете се да ја поставите раката како на сликата за да го добиете најдобриот ефект.

4. Маските, регенераторите и силиконските капки ги нанесувате само на врвовите мислејќи дека така ќе ја поправите штетата. Но, тука не можете ништо. Оштетените врвови се веќе оштетени и најпаметно е да ги ишишате. Попаметно е да се фокусирате на здравиот дел од косата за да го задржите здрав подолго време.

5. Нанесувате лак за коса само на горниот слој. За подобар ефект поделете ја косата на делови, па испрскајте го секој посебно.

6. Кремите за стилизирање на косата ги нанесувате на коренот, па ги разнесувате по косата со дланките. Со самото тоа што ги мазните влакната од коренот, го губите волуменот. Попаметно е повторно да ставите мала количина крема на дланките, па со прстите да обликувате по желба.

7. Препаратите за обликување на косата ги нанесувате откако ќе ја исушите. Следен пат обидете се да и дадете дефиниција и форма додека е уште влажна. Разликата ќе биде очигледна.

8. Откако ќе ја исушите косата нанесувате препарати за поголем сјај. Сјајната коса е прекрасна, но големи се шансите дека така ќе го изгубите волуменот. Затоа, размислете што ви е поважно.