8 необични употреби на четката за заби

Знаевте ли дека четката за заби, освен за миење на заби, може да се користи на уште многу начини, и особено е практична во секојдневните ритуали за разубавување?

Ако знаете како правилно да ја користите, четката за заби ќе стане неизбежен дел од вашата рутина.

Следуваат 8 креативни начини како може да ја користите:

1. За нанесување сув шампон

Шампонот за суво миење на косата е одличен за оние ситуации кога немате доволно време класично да ја измиете косата. Користењето на овој продукт е подобро решение од секојдневното миење на косата. Со пречесто миење можеме да и наштетиме на косата па затоа и се направени шампоните за суво миење кои за миг го собираат вишокот на маст од темето. Четката за заби може да ви биде од голема помош во нанесувањето на сувиот шампон бидејќи со неа лесно може да ја нанесете онаа количина која ви е потребна и рамномерно да ја распоредите по влакната.

2. За раздвојување на трепки

На сите понекогаш ни се случува да ни се направат грутчиња додека нанесуваме маскара. Овие топчиња се многу незгодни зошто тешко се поправаат а ако се обидеме да ги тргнеме со прсти, само ќе ја влошиме ситуацијата. Во овие ситуации четката за заби е одлично решение. Земете стара, убаво испрана и исушена четка за заби и со нејзина помош поправете ги трепките. Сувата четка не само што ќе ги одвои трепките, туку ќе направи да изгледаат поубаво и побујно.

3. За време на маникир

Постојат два начина на кои може да ја искористите четката за заби додека се лакирате. Првиот начин е да ја искористите четката за да ја тргнете нечистотијата од ноктот пред да почнете да го нанесувате лакот за нокти. Другиот начин се однесува на користење на тврдиот дел на четката како алакта за одстранување на кожата околу ноктот.

4. За пилинг на усните

Ако сакате да имате меки, сочни и нежни усни, тогаш потребно е да правите пилинг на усните. Одлична алатка која ќе ви помогне при ова е четката за заби но користете колку што е помека четка за да не ја оштетите чувствителната кожа на усната. За потребите на пилингот четката брцнете ја во вазелин и нежно тријте со кружни движења.

5. За чешлање

Ако имате проблем со заплеткана и непослушна коса, искористете ја четката за заби како чешел за да ги расплеткате замрсените прамени. Можете да ја користите и за тапирање при правење на разни фризури.

6. За веѓи

Ако вашите веѓи понекогаш се непослушни, лесно ќе ги скротите со четка за заби. Со нежно четкање ќе ги израмните непослушните влакненца. Откако ќе ги средите веѓите, можете да ги испрскате со лак за коса за влакната да останат на место. Пред секое користење, четката за заби убаво измијте ја.

7. После депилација

Многу жени имаат проблем со поткожни влакна после депилација а на некои не им помага дури ни пилинг на кожата. Ако имате такви проблеми, нанесете малку пилинг на четката за заби и поминете преку поткожните влакна. Тоа би требало да го реши проблемот.

8. За чистење на козметички продукти

Четките за заби се дизајнирани за чистење, а освен за заби може да ги користиме и во многу други ситуации. Пример, одлична е за чистење на разни козметички производи и алатки, како чешли, четки, фенови... Може да ја користите и сува и мокра, во зависност од тоа што го чистите.