Направете сами: Спреј за осветлување на косата од природни состојки

Пролетта само што пристигна, а тоа значи дека летото ќе дојде додека да трепнете. Пред нас се многу сончеви денови, а светлата коса секогаш е во тренд со топлата сезона.

Со мал буџет, вашата коса ќе добие многу светли и топли нијанси и што е најважно ќе остане здрава и сјајна.

Тајните состојки на овој магичен спреј за осветлување на косата се лимон и мед, а единствено што треба да правите е пред излегување од дома да ја испрскате косата и за неколку дена ќе добиете светли прамени.

Потребни состојки за спрејот:

• 1 кесичка чај од камилица
• Свежо исцеден сок од 1 лимон
• 1 кафена лажичка цимет
• ¼ кафена лажичка мед
• 1 кафена лажичка кокосово масло
• Топла вода

Начин на употреба:

Сите состојки истурете ги во мало и чисто шишенце со спреј, можете да употребите од некој стар парфем, а на крајот дополнете со топла вода. Пред употреба добро измешајте го шишето.

Совет: Најдобро е да се прскате пред да излезете на сонце, бидејќи сончевата топлина дополнително ќе ви помогне за да си ја осветлите косата.

Бонус совет: Доколку не сакате да ја осветлите цела, прскајте само одредени прамени или можете и самите да си направите омбре фризура, со тоа што спрејот ќе го нанесувате само на краевите од косата.