Како сами да си сплетете француска плетенка?

Француската плетенка е тренди и во исто време класична фризура. Иако на прв поглед делува навистина комплицирано, правењето е всушност многу лесно. 

Многу девојки ја сакаат оваа впечатлива фризура, но не се осмелуваат сами да ја направат.

Следен пат кога ќе посакате изгледот да го освежите со француска плетенка, не ја викајте најдобрата другарка на помош, туку обидете се сами.

Сплетете си модерна француска плетенка на овој лесен и едноставен начин:

1. На врвот од главата земете еден поголем прамен коса.

2. Поделете го на три дела.

3. Земете еден од надворешните прамени и префрлете го преку средниот прамен. Праменот кој штотуку сте го поместиле станува централниот дел на плетенката.

4. Сè уште држејќи ги другите два прамени, земете го следниот прамен од страна, додадете му малку коса и повлечете го кон центарот.

5. Постапката на земање на прамен од страна, додавање на коса и преместување кон средината повторувајте ја сè додека не ја поминете целата глава. Кога ова ќе биде готово, сте завршиле со тешкиот дел.

6. Остатокот од должината на косата исплетете ја како обична плетенка и прицврстете со ластиче.

За полесно да се снајдете околу целата постапка, погледнете го видеото: