Девојки време е да научите како да примате комплименти!

Во денешно време кога сексизмот е помешан со љубезноста и комплиментите на мажите, време е да научиме како истите да ги препознаеме и прифатиме со широка насмевка и благодарност.

Тоа што другите го кажуваат за вас е нивна работа, нели? Ваше е дали и како ќе го прифатите тоа.

Доколку некој ви упатува сексистички или саркастичен комплимент тоа ве отсликува вас како личност, зошто?

Затоа што она што го прифаќаш како комплимент или критика е тоа што го носиш во себеси.

Од ова ни преостанува да сфатиме дека без разлика дали некој ќе ви упати сексистички, искрен, љубезен или саркастичен комплимент, вие заблагодарете се.

Со тоа си ја зголемувате самодовербата и си ја покажувате културата.

Доколку вие се гледате себеси како убава, успешна и своја личност, она што го кажуваат другите за вас и не е така важно.

Па затоа, сфатите го ова веднаш така како што е и ќе доживеете животна промена која ќе ве направи слободна личност која живее само за себе и се заблагодарува за сè што ѝ е упатено од типот на комплимент, па дури и навреда или критика.

Едноставно е, навредата или комплиментот кои ви ги упатуваат, вашата психа истите ќе ги прими како навреда и комплимент само доколку вие ги прифатите како такви.

Затоа, денес прифаќајте сè, но во позитивна смисла. Кога некој ќе ти рече убава си, но бојата на косата не ти прилега, ти насмевни се и заблагодари се со зборовите: „Ти благодарам, баш сум слатка со бојата на коса која не ми прилега, нели?”

Само така ќе може да се вбројувате во девојките кои знаат да прифатат комплимент во денешно време кога комплиментите не се така искрени, а критиките и навредите уште помалку.