Посветете си внимание: Купка за студени, уморни или отечени нозе

Посветете си малку внимание во денот и заборавете на изговорот дека немате време или дека имате премногу обврски, бидејќи вашите нозе навистина страдаат во текот на секојдневието..

Тесни чевли, многу пешачење, долгото стоење се причина повеќе зошто оваа купка да ја правите секој ден.

Начин на подготовка на купката:

Земете едно мало леѓенче и наполнете го со топла вода, потоа додајте етерично масло од лаванда и еукалиптус, бидејќи тие ги штитат стапалата од бактерии. Отприлика се става 3l вода со 15 капки масло.

Ако имате студени нозе и слаба циркулација, во купката додајте една рака листови од мајчина душица, рузмарин и исто толку цветови од камилица.

За уморни стапала најдобро е да додадете една рака чај од пелин или лаванда.

Против отечени нозе во купката додајте една рака чај од коприва.

Доколку имате проблем со потење на стапалата, тогаш во купката додајте една рака ореви, боцки од бор и 1 супена лажица сода бикарбона.

Солена купка

Посебно се препорачува за отечени стапала и за оние кои често имаат проблем со разни инфекции во овој дел од телото.

Потребни состојки:

• 1 супена лажица морска сол
• 5 капки етерично масло од еукалиптус
• 5 капки етерично масло од чајно дрво
• 5 капки етерично масло од лаванда
• 3l топла вода

Мало леѓенче наполнете го со топла вода, а во лажичката сол капнете од сите масла и додајте ги во водата. Држете ги стапалата во купката 10 минути, а после тоа убаво намачкајте ги со богата, хранлива крема.