Супер домашен рецепт: Маска за брз раст на косата

Во потрага сте по препарат кој ќе го поттикне растот на косата? Престанете да ја мачкате со хемикалии, чудни шампони и маски, со нив ќе го постигнете спротивниот ефект.

Наместо тоа паметно е да се упатите во кујната и да ги измешате овие 4 состојки:

• 1 банана
• 1 јајце или само жолчка
• 1 лажица мед
• ½ шолја темно пиво

Сè што треба да направите е да ги ставите во блендер и да ја направите маската.

Нанесете на косата, замотајте во кеса и пешкир и чувајте ја 1-2 часа. Потоа измијте ја косата како и обично.

Затоа што во ништо не е добро да претерувате, сосема доволно е да ја користите маската еднаш во неделата.

Како делува оваа маска?

Јајцата се добри заради тоа што ги содржат сите аминокиселини и лецитин. Ја штитат косата од оштетување и го спречуваат настанувањето на првут.

Бананите содржат витамини и природни масла кои на косата и даваат еластичност, сјај и мекост. Одлични се во борбата против испукани краеви.

Медот е посебно корисен заради хранливите материи и витамини кои се клучни за побрз раст на косата. Тој помага кај губење на косата, ја тонизира кожата на главата и ослободува од првут.

Пивото содржи хмељ, квасец и Б витамини во големи количини кои се одлични за зајакнување на влакното. Витаминот Ц пак благотворно делува на кожата од главата.